O Demostrador Multisectorial DATAlife é un demostrador de Espazo de Datos especializado en One-Health.
O obxectivo é crear un Espazo de Datos que permita a colaboración entre os axentes do ecosistema biosanitario. O proxecto facilitará a explotación de datos para a investigación, e definirá os sistemas de gobernanza que permitirán no futuro a utilización dos datos por empresas e axentes públicos do ecosistema.
Se tes interese na investigación no eido biosanitario ou agroalimentario, na ciencia de datos ou en técnicas avanzadas de explotación de datos e a Intelixencia Artificial, esta é a túa ocasión de participar nun dos primeiros grandes proxectos público-privados nesta área de vangarda.
Buscamos investigadores/as de campos biosanitarios e de Datos e Intelixencia Artificial que colaboren entre sí para deseñar os sistemas de compartición e explotación de datos que usará o ecosistema biosanitario e agroalimentario no futuro.
| Posto | Prazas | Data límite |
|---|---|---|
| TÉCNICO/A COORDINADOR/A DE PROXECTO – XESTIÓN | 1 | 28/01/2025 |
| TÉCNICO/A COORDINADOR/A DE PROXECTO – DATOS | 1 | 28/01/2025 |
| TÉCNICO/A DE PROXECTO | 3 | 28/01/2025 |
| TÉCNICO/A DE APOIO DE XESTIÓN Á INVESTIGACIÓN | 1 | 28/01/2025 |
| TÉCNICO/A ESPECIALISTA EN INVESTIGACIÓN – ML&DATA SUPPORT | 3 | 28/01/2025 |
| DESENVOLVEDOR/A ORM E DATOS | 1 | 28/01/2025 |
| TÉCNICO/A INVESTIGADOR/A QUÍMICA COMPUTACIONAL | 1 | 28/01/2025 |
| TÉCNICO/A INVESTIGADOR/A EN INTELIXENCIA ARTIFICIAL E CIENCIA DE DATOS | 1 | 28/01/2025 |
| TÉCNICO/A INVESTIGADOR/A EN MACHINE LEARNING E CIENCIA DE DATOS | 2 | 28/01/2025 |
| TÉCNICO/A INVESTIGADOR/A EN SIMULACIÓN COMPUTACIONAL E ANALISE DE DATOS PARA ONE-HEALTH | 1 | 28/01/2025 |
| DESENVOLVEDOR/A FULL-STACK | 1 | 28/01/2025 |
Estas contratacións serán financiadas exclusivamente dentro do Compoñente 12 (Política Industrial España 2030) Investimento 1 (Espazos de datos sectoriais) e Obxectivo CID 180 (Grandes espazos de datos sectoriais e interoperables de alto valor), do Plan de Recuperación, Transformación e Resiliencia, financiado a través do Mecanismo de Recuperación e Resiliencia (MRR)_ NextGenerationEU e o Ministerio para a Transformación Dixital e da Función Pública, imputándose á partida orzamentaria 33-50-46LA-750.20 e co número de expediente TSI-100120-2024-12.
As contratacións suxeitaranse por tanto, á normativa do Mecanismo de Recuperación e Resiliencia, en particular, ao Regulamento (UE) número 2021/241, do Parlamento Europeo e do Consello, do 12 de febreiro de 2021, polo que se establece o Mecanismo de Recuperación e Resiliencia, á Orde HFP/1030/2021, do 29 de setembro, á Orde HFP/1031/2021, do 29 de setembro e a Orde HFP/55/2023, do 24 de xaneiro, relativa á análise sistemática do risco de conflito de interese nos procedementos que executan o Plan de Recuperación Transformación e Resiliencia.
A Fundación CESGA comprométese, no establecemento e desenvolvemento de políticas que integren a igualdade de trato e oportunidades entre mulleres e homes, sen discriminar directa ou indirectamente por razón de sexo, así como no impulso e fomento de medidas para conseguir a igualdade real no seo da nosa organización, establecendo a igualdade de oportunidades entre mulleres e homes como un principio estratéxico da nosa Política Corporativa e de Recursos Humanos, de acordo coa definición do devandito principio que establece o Decreto Lexislativo 2/2015, de 12 de febreiro, polo que se aproba o texto refundido das disposicións legais da Comunidade Autónoma de Galicia en materia de igualdade e o VIII Plan Estratéxico de Galicia para a igualdade de oportunidades entre mulleres e homes 2022-2027.