O Proxecto Trafair foi galardoado no Forum Pa en Roma hoxe co “Premio PA sustentable. 100 proxectos para alcanzar os obxectivos da Axenda 2030“.
O proxecto TRAFAIR – Understanding Traffic Flows to Improve Air Quality, cofinanciado pola Comunidade Europea e no que participa o CESGA, xurdiu da necesidade das grandes cidades de comprobar a calidade do aire de maneira rápida e eficiente cun sistema que permita tomar decisións que melloren dita calidade beneficiando a cidadáns, negocios e administracións.
Os obxectivos deste proxecto son prover estimacións de polución de aire na cidade e desenvolver un servizo de predición baseado na meteoroloxía concreta da zona e nos fluxos de tráfico reais que se moven pola cidade ademais de publicar os devanditos datos ao público.
Estes obxectivos son os que conseguiron que TRAFAIR gañe o “Premio PA sustentable – 100 proxectos para alcanzar os obxectivos da Axenda 2030”, iniciativa promovida por FPA en colaboración con ASviS (Alianza Italiana para o Desenvolvemento Sustentable) no evento FORUM PA 2019.
Proxecto TRAFAIR De esquerda a dereita: Federica Rolo ( UNIMORE), Laura Po ( UNIMORE), Sergio Duretti ( Lepida SPA) e Luca Chiantore ( CMO)