CESGA Amplía o seu Sistema de Almacenamento en Rede con 2 Petabytes Adicionais
O Centro de Supercomputación de Galicia (CESGA) anunciou unha expansión significativa da súa infraestrutura de almacenamento en rede, coa incorporación de 2 Petabytes (PB) de capacidade adicional. Esta mellora, que inclúe unha nova controladora Netapp Fas9500, fortalece o rendemento do sistema existente, a Fas9000, en funcionamento desde 2017 en CESGA. A capacidade de ampliación sopórtase sobre 280 novos discos de 10 TB en tecnoloxía rotacional NL-SAS .
Con esta última actualización, o sistema de almacenamento en rede de CESGA agora supera o 3,4 PB de capacidade neta, consolidando a súa posición como un recurso fundamental para a comunidade científica e de investigación. Non só trátase dunha mellora en termos de capacidade, senón que tamén ofrece un rendemento superior que permitirá a CESGA abordar con eficacia os desafíos máis recentes neste ámbito.
A infraestrutura de almacenamento en rede de CESGA distínguese pola súa xestión avanzada e a súa alta dispoñibilidade, o que a fai especialmente adecuada para proxectos onde a continuidade no acceso aos datos é fundamental. Todos os usuarios dos supercomputadores de CESGA beneficiaranse desta actualización, especialmente aqueles involucrados en proxectos intensivos en datos.
Entre os grupos de investigación e proxectos que se benefician desta ampliación atópanse:
– “A database of innate immune system peptides and their cellmembrane interactions” de Rebeca García d0 CIQUS da Universidade de Santiago de Compostela
– “Uncovering cancer evolution through high-throughput DNA sequencing” de David Posada do CINBIO da Universidade de Vigo
– “Exploring de genomics of cancer” de José Tubio del CIMUS de la Universidad de Santiago de Compostela
– “HERCULES: High vertical resolution climate simulations dataset” de Juan Añel do grupo Ephyslab da Universidade de Vigo
– “Dissemination of the Uchuu cosmological simulation” de Francisco Prada del Instituto Astrofísico de Andalucia IAA-CSIC
– “Biophysical Model Datasets for Simulations of the Iberian Atlantic Ecosystem” de Manuel Ruiz do Instituto Español de Oceanografía IEO-CSIC
– “Global and regional datasets for earth system modelling” de Gonzalo Miguez de Física da Materia Condensada da Universidade de Santiago de Compostela
Estes proxectos que abarcan unha ampla gama de áreas de investigación, desde a xenómica do cancro ata a modelización do ecosistema mariño, acumulan 4200TB petabytes de datos entre os diferentes sistemas de almacenamento do Centro.
O investimento para esta expansión, valorada en 500.000 euros, foi posible grazas ao proxecto ICT2021-006904 “Actualización do Sistema de Almacenamento en Rede de CESGA 2023”, cofinanciado polo Ministerio de Ciencia, Innovación e Universidades e as axudas das Infraestruturas Científico e Técnicas Singulares (ICTS) no marco do Plan de Recuperación, Transformación e Resiliencia, financiado pola Unión Europea a través do programa NextGenerationEU.
