Partindo da experiencia na monitorización e contabilidade, na utilización de recursos computacionais para as súas propias infraestruturas de computación, estendemos o noso coñecemento nestas áreas aos sectores da computación distribuída baseada en Grid e Cloud computing. Neste sentido, desenvolvemos un portal de contabilidade do uso de recursos grid que se usa no proxecto EGI. Ademais, dentro do proxecto NUBA, estamos a desenvolver unha contorna de monitorización escalable para computación Cloud e sensores para as aplicacións que se executen dentro deste.

Nesta liña de traballo, tamén se desenvolveu dentro do proxecto europeo SmartLM unha contorna de contabilidade e facturación de aplicacións, baseado sobre o estándar do Usage Record do Open Grid Forum. Dita aplicación, baseada en portlets, está integrada coa solución ElasticLM.