Expertos do CESGA participarán nun proxecto de investigación sobre a arte rupestre de Xeorxia destinado á conservación e posta en valor da área arqueolóxica de Trialeti, onde o Ministerio de Cultura do país caucásico construirá un Parque Arqueolóxico e solicitará á UNESCO a súa inclusión na lista do Patrimonio Mundial.
CESGA achegará ao proxecto a súa experiencia na aplicación das tecnoloxías de información xeográfica ao Patrimonio Cultural nos traballos que se realizarán este ano 2020. Nesta campaña abordaranse actividades como a avaliación, diagnose e definición da área arqueolóxica; así como a documentación geo-espacial dos sitios onde existan evidencias da existencia de xacementos arqueolóxicos. A actividade do CESGA centrarase en dar soporte á definición de modelos de datos e metodoloxías encamiñadas á dixitalización do Patrimonio da área de Trialeti.
O proxecto desenvolverase en colaboración con institucións de España (Museo de Altamira, Museo de Pontevedra, Servizo de Arqueoloxía de Estremadura, Museo de Prehistoria de Cantabria, Fundación Centro Tecnolóxico de Supercomputación de Galicia), Portugal (Universidade de Coimbra, Fundación Terra e Memoria, a Dirección Xeral de Patrimonio Cultural do Ministerio de Cultura de Portugal), Francia (Departamento do Servizo de Arqueoloxía da Region da Dordogne) , Noruega (Universidade de Bergen) e Azerbaijan ( Gobustan National Historic Artistic Preserve); así como as empresas españolas Global Archaeology e GIM- GEOMATICS.
Máis información – https://redcantabrarural.com/noticia-red/expertos-de-cantabria-participaran-en-un-proyecto-de-investigacion-internacional-sobre-el-arte-rupestre-de-georgia/
